7 ffordd o deimlo'n dda y flwyddyn ysgol hon

Osgowch gael eich llethu gan flinder gyda'r saith strategaeth hyn sy'n seiliedig ar dystiolaeth ac sydd ar gael yn rhwydd i athrawon a staff addysg.

 

Mae Emily ac Amelia Nagoski yn dadlau, er mwyn osgoi cael eich gorlethu, bod angen i ni ddysgu cwblhau cylch straen y corff. Mae'r cylch straen yn dechrau pan fyddwn yn canfod bygythiad. Mae rhywbeth yn digwydd – archwiliad Estyn efallai? – ac mae'r corff yn anfon hormonau straen allan.

 

Ond, mae'n werth cofio nad yw eich cyrff wedi'u cynllunio i ymdopi â phresenoldeb cyson neu hirdymor hormonau straen. Mae'r hormonau hyn yn negeswyr sydd â’r nod o fod yn bresennol yn y corff am gyfnodau byr. Gall eu presenoldeb hirdymor neu gronig gael canlyniadau iechyd sylweddol.

 

Felly mae angen i ni ddod o hyd i ffyrdd o ddweud wrth y corff nad ydym dan fygythiad mwyach, ac y gall roi'r gorau i gynhyrchu hormonau straen. Eu henw ar hyn yw 'cwblhau'r cylch straen'.

 

Dyma saith ffordd o wneud hyn, sy'n seiliedig ar dystiolaeth, ac sydd ar gael yn rhwydd:

 

1.Symud: Rhedeg, nofio, dawnsio (beth bynnag rydych chi'n ei fwynhau – NID hyfforddi ar gyfer y Gemau Olympaidd yw'r nod!). Mae'r teulu Nagoski yn nodi mai symudiad yw 'eich llinell ymosod gyntaf yn y frwydr yn erbyn cael eich gorlethu’. Mae 20-30 munud y dydd yn ddelfrydol, ond mae unrhyw beth yn well na dim byd!

 

2.Rhyngweithio Cymdeithasol: Gall siarad â chydweithwyr helpu i wella ein hwyliau a’n sicrhau bod y byd yn lle diogel i fyw ynddo. Mae chwerthin gyda'ch gilydd—a hyd yn oed dim ond hel atgofion am yr adegau rydych chi wedi chwerthin gyda'ch gilydd—yn cynyddu boddhad mewn perthynas.

3.Cysylltu ag eraill: Dangoswyd bod cwtsh o ugain eiliad gyda rhywun annwyl i chi yn gostwng lefelau straen cymaint ag ymarfer corff. Ac nid oes rhaid iddo fod yn hoffter corfforol – gall siarad â rhywun rydych chi'n rhannu cysylltiad arbennig ag ef wneud gwahaniaeth enfawr i sut rydych chi'n teimlo.

 

4.Breathe: Gall anadliadau dwfn, araf helpu i reoleiddio'r ymateb i straen. I wneud ymarfer syml, ymarferol gallech chi roi cynnig ar hyn:

• anadlwch i mewn i gyfrif araf o bump
• daliwch yr anadl honno am bump
• anadlwch allan am gyfrif araf o ddeg
• oedwch am gyfrif arall o bump

 

5.Cwsg: Gall fod yn anodd cysgu pan rydyn ni'n teimlo dan straen. Ond gall cael noson lawn, ddi-dor o gwsg lle bynnag y bo modd fod yn arf gwych yn y frwydr yn erbyn straen.

 

6.Crïo Does dim cywilydd mewn crïo! Efallai na fydd crïo yn newid y sefyllfa a achosodd y straen, ond mae caniatáu i chi'ch hun grïo ar ôl digwyddiad llawn straen yn helpu trwy ryddhau hormonau teimlo'n dda. Gall eich helpu i leddfu anawsterau corfforol yn ogystal ag anawsterau emosiynol.

 

7.Byddwch yn greadigol: Dangoswyd bod cymryd rhan mewn gweithgaredd creadigol rydych chi'n ei fwynhau heddiw – boed yn gerddoriaeth, celf neu chwaraeon – yn arwain at fwy o egni, cyffro a brwdfrydedd yfory.

 

I ddysgu mwy am gwblhau eich cylch straen darllenwch 'Burnout: the secret to completing the stress cycle' gan Emily ac Amelia Nagoski. 

 

Gofynnwch i chi'ch hun: Ydy hin bosib i mi wneud y strategaethau uchod unrhyw bryd? Ydw i'n gofyn i mi fy hun yn rheolaidd a oes eu hangen arnaf? Ydw i'n blaenoriaethu gwneud amser iddyn nhw?