Ymarfer myfyriol diwedd y flwyddyn 

Gall yr ymarfer myfyriol hwn eich helpu i ailgysylltu â llawenydd gweithio ym myd addysg, trwy ganiatáu i chi gydnabod yr hyn rydych chi wedi’i gyflawni ac effaith eich gwaith. 

Os ydych chi'n rhy brysur drwy'r amser a byth yn cael yr amser i fyfyrio yna fe allech chi hefyd fod yn colli allan ar y cyfle i wneud dewisiadau gwell, gwella eich ymarfer, cefnogi cydweithwyr a sicrhau'r canlyniadau gorau posibl i ddisgyblion. 

Mae diwedd y tymor neu’r flwyddyn academaidd yn gyfle gwych i drefnu amser myfyrio – a does dim rhaid iddo gymryd yn hir! Os ydych chi'n arweinydd neu'n rheolwr llinell, efallai yr hoffech chi ystyried rhannu'r ymarfer 10 munud cyflym hwn gyda'ch tîm, a chaniatáu amser penodol iddyn nhw ei gwblhau. 

Gweler yr adnodd cyfan isod.     

Ymarfer myfyriol diwedd y flwyddyn 

Cyflwyniad 

Mae'r arweinydd addysg a'r awdur, Dr Tiffany A Carr, yn rhannu bod ymwybyddiaeth a myfyrdod yn hanfodol i athrawon a staff addysg er mwyn meithrin gwytnwch. Eto i gyd, mae hi'n cydnabod mai thema sy'n codi dro ar ôl tro mewn ymchwil ar orweithio yn y sector yw amser (neu ddiffyg amser!).   

Mae hi'n awgrymu ei bod yn hanfodol cael amser yn eich dyddiadur i fyfyrio ar eich ymarfer. Gall hyn eich helpu i ailgysylltu â llawenydd gweithio ym myd addysg, trwy ganiatáu i chi gydnabod yr hyn rydych chi wedi’i gyflawni ac effaith eich gwaith. Os ydych chi'n rhy brysur drwy'r amser a byth yn cael yr amser i fyfyrio yna fe allech chi hefyd fod yn colli allan ar y cyfle i wneud dewisiadau gwell, gwella eich ymarfer, cefnogi cydweithwyr a sicrhau'r canlyniadau gorau posibl i ddisgyblion. 

Mae diwedd y tymor neu’r flwyddyn academaidd yn gyfle gwych i drefnu amser myfyrio – a does dim rhaid iddo gymryd yn hir! Os ydych chi'n arweinydd neu'n rheolwr llinell, efallai yr hoffech chi ystyried rhannu'r ymarfer 10 munud cyflym hwn gyda'ch tîm, a chaniatáu amser penodol iddyn nhw ei gwblhau. 

10 munud: myfyrdod diwedd y flwyddyn 

Beth am fachu paned a cheisio dod o hyd i lecyn tawel (os gallwch chi!), i setlo a myfyrio ar sut mae'r flwyddyn academaidd ddiwethaf wedi bod i chi. Ceisiwch ateb y cwestiynau hyn yn eich meddwl neu ar bapur os yw hynny'n haws i chi. 

1. Beth oedd eich hoff foment gyda myfyriwr neu gydweithiwr eleni? 
2. Gyda pha gydweithiwr ydych chi wedi cysylltu eleni a pham? 
3. Pa agwedd o'ch rôl ydych chi wedi'i mwynhau fwyaf eleni? 
4. Beth sydd wedi eich gwneud yn fwyaf balch o fod yn gweithio yn eich lleoliad addysg eleni? 
5. Pa strategaeth hunanofal sydd wedi eich helpu fwyaf eleni a pham? 
6. Pa heriau wnaethoch chi eu goresgyn eleni? Wnaethoch chi ddysgu unrhyw beth ganddyn nhw? Os felly, sut gallai hyn fod o fudd i chi yn y dyfodol? 
7. Beth ydych chi'n edrych ymlaen ato fwyaf am y flwyddyn academaidd nesaf? 

Nawr cymerwch gam yn ôl a gofynnwch i chi'ch hun: a wnaeth eich atebion eich synnu mewn unrhyw ffordd? Allwch chi fod yn llai caled arnoch chi'ch hun y flwyddyn nesaf? Oes angen i chi fod yn fwy tosturiol gyda chi'ch hun?  

Efallai y byddwch hefyd am edrych ar ein hadnoddau rhad ac am ddim am adeiladu perthnasoedd iach yn y gweithle a gofalu amdanoch eich hun yn ystod y gwyliau (Saesneg yn unig): 

• Gorffwys ac adennill eich llawenydd: myfyrio ar eich blwyddyn academaidd 

• Gwella perthnasoedd yn y gweithle  

• Ffiniau, gorffwys a gadael i fynd  

• Haf hunanofal  

• Gofalu am eich lles yr haf hwn  

• Ymlacio dros yr haf: sut i orffwys a magu nerth newydd 

Cymorth a chefnogaeth bellach 

Gall yr holl athrawon a staff addysg ffonio llinell gymorth rhad ac am ddim a chyfrinachol Cymorth Addysg 24/7 i gael cymorth emosiynol ar unwaith: 08000 562 561. Byddwch yn siarad â chynghorydd cymwys ar unwaith.  

Gall arweinwyr ysgol gael mynediad at oruchwyliaeth broffesiynol a ariennir yn llawn yng Nghymru a Lloegr. 

Gall staff ysgolion yng Nghymru gael mynediad at gymorth a ariennir gan ein Gwasanaeth Lles Staff yng Nghymru 

Ffynonellau  

Joy in teaching: a research based frame-work of action for educators, Dr Tiffany A Carr, 2018 www.joyinteaching.com/what-does-it-meanto-live-an-examined-life-in-education/